މިއަދު ކުރިއަށް ގެންދެވުނު ރައްޔިތުންގެ މަޖިލީހުގެ މިއަހަރުގެ ދެވަނަ ދައުރުގެ ހަތްވަނަ ޖަލްސާގެ މެންދުރުފަހު ދަންފަޅީގެ ޤާނޫނީ އަދަދު ހަމަނުވުމާ ގުޅިގެން ރައްޔިތުންގެ މަޖިލީހުގެ 37 ވަނަ މާއްދާގެ (ނ) ގެ ދަށުން ޖަލްސާ ނިންމަވާލައްވައިފިއެވެ.
މިއަދުގެ މެންދުރުފަހު ދަންފަޅީގެ ޖަލްސާއަށް ހާޒިރުވެވަޑައިގެންނެވީ 9 މެންބަރުންނެވެ.
މަޖިލީހުގެ ގަވާއިދުގެ 37 ވަނަ މާއްދާގެ (ހ) ގައި ބަޔާންކުރަނީ ރައްޔިތުންގެ މަޖިލީހުގެ ޖަލްސާއެއް ކުރިއަށްގެންދިޔުމަށް ބޭނުންވާ ޤާނޫނީ އަދަދުކަމުގައި ބަލާނީ، މަޖިލީހުގެ މެންބަރުންގެ 25 އިންސައްތަ އެވެ.
ދެން ރައްޔިތުންގެ މަޖިލީހުގެ ޖަލްސާއެއް އޮންނާނީ 19 ޖޫން 2012 ވާ އަންގާރަދުވަހު ހެންދުނު 09:00 ޖަހާއިރު މަޖިލީސްކުރާގޭގަ އެވެ.
28 ރަޖަބު 1433
18 ޖޫން 2012