ރައްޔިތުންގެ މަޖިލީހުގެ ގަވައިދު ކޮމިޓީގެ 4 ވަނަ ބައްދަލުވުން ބާއްވާފައިވަނީ މިއަދު ހެނދުނު 13:10 ން 13:20 އަށެވެ. މިބައްދަލުވުމުގައި ކޮމިޓީގެ 6 މެންބަރުން ބައިވެރިވެވަޑައިގަތެވެ.
މިއަދުގެ ބައްދަލުވުމުގައި ކޮމިޓީގައި ހުރި ގަވާއިދުތަކުގެ މަސައްކަތް އަވަހަށް ނިންމަވާނެ ގޮތަކާ މެދު މެންބަރުން މަޝްވަރާކުރެއްވިއެވެ. މިގޮތުން ނިންމަވާފައިވަނީ ކޮމިޓީގައި ހުރި ގަވައިދުތައް ކޮމިޓީގެ ޤާނޫނީ ބޭފުޅުން ބައްލަވާ ޤާނޫނާ ފުށުއަރާ ކަންކަން ކޮމިޓީގެ ސަމާލުކަމަށް ގެނައުމަށްފަހު، އެކަންކަމާ މެދު މެންބަރުން މަޝްވަރާކުރައްވާ ވަކި ގޮތެއް ނިންމެވުމަށެވެ.
މިކޮމިޓީއަށް ވަޑައިގެންނެވި މެންބަރުންނަކީ މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ، އިހަވަންދޫ ދާއިރާގެ މެންބަރު އަޙްމަދު އަބްދުﷲ، އިސްދޫ ދާއިރާގެ މެންބަރު އަޙްމަދު ރަޝީދު އިބްރާހިމް، ފުވައްމުލަކު އުތުރު ދާއިރާގެ މެންބަރު މުޙަންމަދު ރަފީޤު ހަސަން، ފުވައްމުލަކު މެދު ދާއިރާގެ މެންބަރު ޝިފާޤް މުފީދް އަދި ހިތަދޫ ދެކުނު ދާއިރާގެ މެންބަރު ޙަސަން ލަޠީފްއެވެ.