ރައްޔިތުންގެ މަޖިލީހުގެ ސުލޫކު ކޮމިޓީގެ 1 ވަނަ ބައްދަލުވުން ބާއްވާފައިވަނީ މއަދު 18 އޭޕްރީލް 2012 ވީ ބުދަ ދުވަހު މެންދުރު 14:25 ން 14:30 އަށެވެ. މިބައްދަލުވުމުގައި ކޮމިޓީގެ 8 މެންބަރުން ބައިވެރިވެވަޑައިގަތެވެ.
މިއަދުގެ ބައްދަލުވުމުގައި ސުލޫކު ކޮމިޓީ ހިންގާ ޤަވާޢިދު އިޞްލާޙު ކުރެއްވުމުގެ މަސައްކަތް ކުރައްވާފައިވެއެވެ. އެގޮތުން ކެނދިކުޅުދޫ ކޮމިޓީގެ ފެށުމުގެ ކޯރަމް މިހާރު އިންނަ ޢަދަދު ކަމުގައިވާ 6 ގެ ބަދަލުގައި 4 އަށް ބަދަލުކުރުމަށް ހުށަހެޅުއްވި ހުށަހެޅުން ކޮމިޓީގެ އިއްތިފާޤުން ފާސްވިއެވެ.
މިކޮމިޓީއަށް ވަޑައިގެންނެވި މެންބަރުންނަކީ ކެނދިކުޅުދޫ ދާއިރާގެ މެންބަރު އަޙްމަދު ޢީސާ، މައްޗަންގޮޅި އުތުރު ދާއިރާގެ މެންބަރު މާރިޔާ އަޙްމަދު ދީދީ، މަހިބަދޫ ދާއިރާގެ މެންބަރު ރުޤިއްޔާ މުޙަންމަދު،ވެލިދޫ ދާއިރާގެ މެންބަރު ޢަލީ މުޙަންމަދު،ގަލޮޅު ދެކުނު ދާއިރާގެ މެންބަރު އަޙްމަދު މަޚްލޫފް، ގަމު ދާއިރާގެ މެންބަރު ޔޫސުފް އަބްދުލް ޣަފޫރު، މާފަންނު ހުޅަނގު ދާއިރާގެ މެންބަރު އަބްދުﷲއަބްދުއްރަހީމް،މަތިވެރި ދާއިރާގެ މެންބަރު ޙުސައިން މުޙަންމަދު، އަދި އުނގޫފާރު ދާއިރާގެ މެންބަރު އަފްރާޝީމް ޢަލީއެވެ.