ތިމަރަފުށީ ދާއިރާގެ ގޮނޑި އާއި ކާށިދޫ ދާއިރާގެ ގޮނޑިއަށް އިންތިޚާބްވެވަޑައިގެން ބޭފުޅުން ރައްޔިތުންގެ މަޖިލީހުގެ މެންބަރު ކަމުގެ ހުވައި ކުރެއްވުން

ރައްޔިތުންގެ މަޖިލީހުގެ ތިމަރަފުށީ ދާއިރާގެ ގޮނޑި ހުސްވުމާއި ގުޅިގެން 14 އޭޕްރިލް 2012 ވީ ހޮނިހިރު ދުވަހު ތިމަރަފުށީ ދާއިރާގެ ގޮނޑިއަށް މެންބަރަކު އިންތިޚާބު ކުރުމަށްޓަކައި ބޭއްވުނު ބައި-އިލެކްޝަންގައި އިންތިޚާބުވެވަޑައިގެންނެވި ތ. ތިމަރަފުށީ މާލޭގެ އަޙްމަދު ޝަރީފް މަޖިލީހުގެ މެންބަރު ކަމުގެ ހުވައިކުރެއްވުމުގެ ރަސްމިއްޔާތު މާދަމާ 18 އޭޕްރިލް 2012 ވާ ބުދަ ދުވަހުގެ ހެނދުނު 8:45 ގައި ރައްޔިތުންގެ މަޖިލީހުގެ ގޭގައި އޮންނާނެއެވެ.

އަދި ކާށިދޫ ދާއިރާގެ ގޮނޑިއަށް އިންތިޚާބު ކުރެވުނު ހ. ތިމާވެށި އަބްދުﷲ ޖާބިރު ގެ ރައްޔިތުންގެ މަޖިލީހުގެ މެންބަރު ކަމުގެ ހުވައި ކުރެއްވުން އޮންނާނީ 19 އޭޕްރިލް 2012 ވާ ބުރާސްފަތި ދުވަހުގެ ހަވީރު 5:00 ގައެވެ.

ޢަބްދުﷲ ޖާބިރު ގެ ހުވައި ކުރެއްވުން އެދުވަހަށް ފަސް ކުރެވިފައިވަނީ މިވަގުތު ރާއްޖޭގައި ވަޑައިގެން ނޫޅުއްވާތީއެވެ.