ޔުނައިޓެޑް ނޭޝަންސް ހައިކޮމިޝަނަރ ފޮރ ހިއުމަން ރައިޓްސް ހަރ އެކްސެލެންސީ ނަވަނެތަމް ޕިއްލޭ މާދަމާ ރައްޔިތުންގެ މަޖިލީހުގެ މެންބަރުންނާ ބައްދަލުކުރައްވައި ތަޤްރީރު ކުރައްވާނެއެވެ.
ރައްޔިތުންގެ މަޖިލީހުގެ ހުރިހާ މެންބަރުންނަށް ދަޢުވަތު އެރުވިގެން މަޖިލީހުގެ ކޮމިޓީ ރޫމް 1 ގައި ދެއްވާ މިތަޤްރީރު އޮންނާނީ ހެނދުނު 11:00 ގައެވެ.
ހަރ އެކްސެލެންސީ ނަވަނެތަމް ޕިއްލޭ ރާއްޖެ ވަޑައިގެންފައިވަނީ މިމަހު 22 އިން 24 އަށް ރާއްޖެއަށް ކުރައްވާ ރަސްމީ ދަތުރުފުޅެއްގައެވެ. އެކަމަނާއަކީ ސައުތް އެފްރިކާގެ ޤާނޫނީ ވަކީލެކެވެ. އެކަމަނާ ޔުނައިޓެޑް ނޭޝަންސް ހައިކޮމިޝަނަރ ފޮރ ހިއުމަން ރައިޓްސްގެ މަޤާމާ ހަވާލުވެވަޑައިގެންނެވީ 1 ސެޕްޓެމްބަރ 2008 ގައެވެ.
27 ޛުލްޙިއްޖާ 1432
23 ނޮވެމްބަރ 2011