ދިވެހިރާއްޖޭގެ ޤާނޫނުލް އުޤޫބާތުގެ ބިލުގެ މަސައްކަތް އަވަސް ކުރުމަށް އެކިފަރާތްތަކުން އެދެމުން ދިއުމާއެކު ބިލުގެ ދެލިކޮޕީއާމެދު ޢާއްމުންގެ ޚިޔާލު ހުށަހެޅުއްވުމަށް ހުޅުވާލައްވާފައިވާ ފުރުޞަތު 7 މާޗް 2013 ވާ ބުރާސްފަތިދުވަހުގެ ނިޔަލަށް އަވަސް ކުރައްވައިފިއެވެ.
މިބިލުގެ ދެލިކޮޕީއާމެދު ޚިޔާލު ހުށަހަޅުއްވަން ބޭނުންފުޅުވާ ފަރާތްތަކުން މި މާރޗް މަހުގެ 7 ވަނަ ދުވަހުގެ ކުރިން ރައްޔިތުންގެ މަޖިލީހުގެ އިދާރާއަށް ލިޔުމުން ފޮނުއްވައި ދެއްވުމަށް އެބިލުގެ މަސައްކަތް ކުރައްވާ ކޮމިޓީން އެދިވަޑައިގެންފައިވެއެވެ.
މިބިލުގެ ދެލިކޮޕީ ބެއްލެވުމަށް ބޭނުންފުޅުވާ ފަރާތްތަކަށް ފެނިވަޑައިގަންނަވާނޭހެން ރައްޔިތުންގެ މަޖިލީހުގެ ވެބްސައިޓްގައި ހިމަނާފައިވާނެއެވެ.