ޢާންމު ސިއްޙަތު ރައްކާތެރިކުރުމުގެ ބިލު ކޮމިޓީން ނިންމަވާފައިވާގޮތަށް މަޖިލީހުން ގެންނެވި އިޞްލާޙްތަކާއެކު މިއަދު ފާސްކުރައްވައިފިއެވެ.
މި ބިލު ފާސްކުރައްވާފައިވަނީ 26 މެންބަރުންގެ އަޣްލަބިއްޔަތުންނެވެ. ފާސްކުރައްވަން ފެނިވަޑައިނުގަންނަވާކަމަށް ވޯޓް ދެއްވީ 6 މެންބަރުންނެވެ. އަދި 12 މެންބަރުން ވަކިފަރާތަކަށް ވޯޓް ދެއްވާފައެއް ނުވެއެވެ.
މިބިލަށް މަޖިލީހުން ގެންނެވި ފުރަތަމަ އިޞްލާހަކީ ބިލުގެ 10 ވަނަ މާއްދާގެ (ހ) ގެ 7 ވަނަ ނަންބަރަށް ހުށަހެޅުއްވި އިޞްލާޙެވެ. މި އިޞްލާޙް ފާސްކުރައްވާފައިވަނީ 26 މެންބަރުންގެ އަޣްލަބިއްޔަތުންނެވެ. އެ އިޞްލާޙުގައިވަނީ ” 10. (ހ) 7. ފެމިލީ ހެލްތް އޮފިސަރުން.” އެވެ.
މިބިލަށް ގެންނެވި ދެވަނަ އިޞްލާޙަކީ ބިލުގެ 10 ވަނަ މާއްދާގެ (ހ) ގެ 8 ވަނަ ނަންބަރަށް ހުށަހެޅުއްވި އިޞްލާޙެވެ. މި އިޞްލާޙް ފާސްކުރައްވާފައިވަނީ 27 މެންބަރުންގެ އަޣްލަބިއްޔަތުންނެވެ. އެ އިޞްލާޙުގައިވަނީ ” 10. (ހ) 8. ކޮމިއުނިޓީ ހެލްތް އޮފިސަރުން.” އެވެ.
14 މުޙައްރަމް 1434
28 ނޮވެމްބަރ 2012