މިއަދު އޮތް ރައްޔިތުންގެ މަޖިލީހުގެ މިއަހަރު ދެވަނަ ދައުރުގެ 24 ވަނަ ޖަލްސާގެ ނިޒާމް ގެއްލިފައިވާތީ، ރައްޔިތުންގެ މަޖިލީހުގެ ގަވާއިދުގެ 40 ވަނަ މާއްދާގެ (ހ)ގެ (4) ގެ ދަށުން މިއަދު މެންދުރު 01:00 ގައި ނިންމަވާލައްވައިފިއެވެ.
މަޖިލީހުގެ ގަވާއިދުގެ 40 ވަނަ މާއްދާގެ (ހ)ގެ (4) ގައި ބަޔާންކުރަނީ ޖަލްސާ ކުރިއަށްގެންދެވޭ މިންވަރަށްވުރެ ބޮޑަށް މަޖިލީހުގެ ނިޒާމް ގެއްލިއްޖެކަމަށް މަޖިލީހުގެ ރައީސްއަށް ފެނިއްޖެނަމަ މަޖިލީހުގެ ޖަލްސާއެއް ހިނގަމުންދާކަމަށް ގަވާއިދުގައި ބަޔާންކޮށްފައިވާ ގަޑި ހަމަވުމުގެ ކުރިން ޖަލްސާއެއް ނިންމާލެވިދާނެކަމަށެވެ.
މިއަދުގެ ޖަލްސާގެ ރިޔާސަތު ބަލެހެއްޓެވީ މަޖިލީހުގެ ރައީސް ޢަބްދުﷲ ޝާހިދު އެވެ.
ދެން ރައްޔިތުންގެ މަޖިލީހުގެ ޖަލްސާއެއް އޮންނާނީ 31 ޖުލައި 2012 ވާ އަންގާރަދުވަހު ރައްޔިތުންގެ މަޖިލީސްކުރާގޭގައެވެ.
11 ރަމަޟާން 1433
30 ޖުލައި 2012