މިނިވަން މުއައްސަސާތަކާ ބެހޭ ކޮމިޓީގެ 6 ވަނަ ބައްދަލުވުން މިއަދު ހެނދުނު 11:15 ގައި ބާއްވައިފިއެވެ.
މިއަދުގެ ބައްދަލުވުމުގައި އިލެކްޝަންސް ކޮމިޝަންގެ މުވައްޒަފުން ހުށަހަޅާފައިވާ މައްސަލައާއި މެދު މަޝްވަރާކުރައްވާ، މި މައްސަލައާއި ގުޅިގެން އެ ކޮމިޝަންގެ އިސް ބޭފުޅުނާއި ބައްދަލުކުރައްވަން ކޮމިޓީން ނިންމަވާފައިވެއެވެ.
އެގޮތުން މިއަދު މެންދުރު 13:30 ގައި ބޭއްވި މިނިވަން މުއައްސަސާތަކާ ބެހޭ ކޮމިޓީގެ 7 ވަނަ ބައްދަލުވުމުގައި ކޮމިޓީ މެންބަރުން ވަނީ އިލެކްޝަންސް ކޮމިޝަންގެ މެންބަރުންނާއި ބައްދަލުކުރައްވާ، އެ ކޮމިޝަންގެ މަސައްކަތްތައް ކުރިއަށް ދާ ގޮތާއި، އެ ކޮމިޝަންގެ މުވައްޒަފުން ހުށަހަޅާފައިވާ މައްސަލައާ ބެހޭ އިތުރު މަޢުލޫމާތު ސާފުކުރައްވާފައިވެއެވެ.
މިކޮމިޓީއަށް ވަޑައިގެންނެވި މެންބަރުންނަކީ ކަނޑިތީމު ދާއިރާގެ މެންބަރު މުޙަންމަދު ޙުސައިން، ބިލެތްދޫ ދާއިރާގެ މެންބަރު އަޙްމަދު ޙަމްޒާ، ހަނިމާދޫ ދާއިރާގެ މެންބަރު މުޙަންމަދު މުޖުތާޒް، ކުޅުދުއްފުށި ދެކުނު ދާއިރާގެ މެންބަރު މުޙަންމަދު ނަޝީދު، އިހަވަންދޫ ދާއިރާގެ މެންބަރު އަޙްމަދު އަބްދުﷲ، ހެންވޭރު ދެކުނު ދާއިރާގެ މެންބަރު ހާމިދް އަބްދުލް ޤަފޫރު އަދި މުލަކު ދައިރާގެ މެންބަރު އަބުދުﷲ ޔާމީންއެވެ.