ރައްޔިތުންގެ މަޖިލީހުގެ ތިމަރަފުށީ ދާއިރާގެ ގޮނޑި ހުސްވުމާއި ގުޅިގެން 14 އޭޕްރިލް 2012 ވީ ހޮނިހިރު ދުވަހު ތިމަރަފުށީ ދާއިރާގެ ގޮނޑިއަށް މެންބަރަކު އިންތިޚާބު ކުރުމަށްޓަކައި ބޭއްވުނު ބައި-އިލެކްޝަންގައި އިންތިޚާބުވެވަޑައިގެންނެވި ތ. ތިމަރަފުށީ މާލޭގެ އަޙްމަދު ޝަރީފް މަޖިލީހުގެ މެންބަރު ކަމުގެ ހުވައިކުރެއްވުމުގެ ރަސްމިއްޔާތު މިއަދު 18 އޭޕްރިލް 2012 ވީ ބުދަ ދުވަހުގެ ހެނދުނު 8:45 ގައި ރައްޔިތުންގެ މަޖިލީހުގެ ގޭގައި ބާއްވައިފިއެވެ. ހުވައިލައިދެއްވީ ސްޕްރީމް ކޯޓުގެ ފަޑިޔާރު އަލްއުސްތާޛު ޢަބްދުﷲ ޢަރީފްއެވެ.
މި ރަސްމިއްޔާތުގައި ރައްޔިތުންގެ މަޖިލީހުގެ ރައީސް އަލްފާޟިލް ޢަބްދުﷲ ޝާހިދު އާއި މަޖިލީހުގެ ނައިބު ރައީސް އަލްފާޟިލް އަޙުމަދު ނާޒިމްއާއި މަޖިލީހުގެ ބައެއް މެންބަރުން ބައިވެރިވެވަޑައިގަތެވެ.
26 ޖުމާދަލްއޫލާ 1433
18 އޭޕްރިލް 2012