ރައްޔިތުންގެ މަޖިލީހުގެ ގަވާއިދުގެ 145 ވަނަ މާއްދާގެ ދަށުން، އައްޑޫ މީދޫ ދާއިރާގެ މެންބަރު ރޮޒެއިނާ އާދަމް ހުށަހެޅުއްވި ކުއްލި މައްސަލައިގެ ބަހުސް މިއަދު އޮތް ރައްޔިތުންގެ މަޖިލީހުގެ މިއަހަރުގެ ތިންވަނަ ދައުރުގެ 22 ވަނަ ޖަލްސާގައި ކުރިއަށް ގެންދަވައިފިއެވެ.
މިކުއްލި މައްސަލައަކީ، 24 ނޮވެމްބަރ 2015 ގައި އައްޑޫ ސިޓީއަށް ވަރަށް ބޮޑަށް ވިއްސާރަވެ ބޯކޮށް މެދުކެނޑުމެއްނެތި ވާރޭވެހުމާ ގުޅިގެން އައްޑޫ ސިޓީގެ ރަށްތަކުގައި، ހާއްސަކޮށް ފޭދޫ އާއި މަރަދޫފޭދުގެ މަގުތަކުގެ އިތުރުން މީހުން ދިރިއުޅޭގޭގޭގެ އެތެރޭގައިވެސް ވަރަށް ބޮޑަށް ފެންބޮޑުވެފައިވުމުގެ ސަބަބުން އައްޑޫ ސިޓީގެ ރައްޔިތުން ވަރަށް ބޮޑަށް ހާލުގައިޖެހިފައިވާތިވެ، މިކަން ސަރުކާރުގެ ސަމާލުކަމަށް ގެނައުމަށްޓަކައި ހުށަހެޅުނު ކުއްލި މައްސަލައެކެވެ.
މިމައްސަލައަށް 6 މެންބަރުން ވާހަކަދައްކަވާފައިވެއެވެ.
14 ޞަފަރު 1437
26 ނޮވެމްބަރ 2014