މިރޭ ބޭއްވުނު ރައްޔިތުންގެ މަޖިލީހުގެ މިއަހަރުގެ ތިންވަނަ ދައުރުގެ 14 ވަނަ ޖަލްސާގައި، ޕްރޮސިކިއުޓަރ ޖެނެރަލް އަލްއުސްތާޛު މުހްތާޒް މުޙްސިން، ޤާނޫނުއަސާސީއާއި ޤާނޫނާ ޚިލާފުވެފައިވާތީ އެކަންކަން ބައްލަވައިދެއްވުމަށް އެދި، ރައްޔިތުންގެ މަޖިލީހުގެ ގަވާއިދުގެ 123 ގެ ދަށުން ހުށަހަޅުއްވާފައިވާ މައްސަލައިގައި، ޤާނޫނުއަސާސީގެ 228 ވަނަ މާއްދާގެ (ށ) ގެ ދަށުން ޕްރޮސިކިއުޓަރ ޖެނެރަލް ކަމުގެ މަޤާމުން ވަކިކުރެއްވުމަށް ފެންނަކަމަށް ނިންމަވާ މިނިވަން މުއައްސަސާތަކުގެ ކަންތައްތަކާބެހޭ ކޮމިޓީން ދިރާސާކުރައްވާ ނިންމެވިގޮތަށް 57 މެންބަރުންގެ އިއްތިފާގުން ފާސްކުރައްވައިފިއެވެ.
މިރޭގެ ޖަލްސާގައި، ކޮމިޓީން ނިންމެވި ގޮތުގެ ރިޕޯޓް ހުށަހެޅުއްވީ ފުނަދޫ ދާއިރާގެ މެންބަރު ޢަލީ ސަލީމެވެ. މި މިމައްސަލައަށް 12 މެންބަރުން ވާހަކަ ދައްކަވާފައިވެއެވެ.
28 މުޙައްރަމް 1437
10 ނޮވެންބަރ 2015