ދިވެހިރާއްޖޭގެ ތަޢުލީމީ ނިޒާމުގެ، ފަށާ ތަޢުލީމުގެ މަރުޙަލާގައްޔާއި، ސާނަވީ ތަޢުލީމުގެ މަރުހަލާގައި، ކީރިތި ޤުރުއާން އެއީ، މަޖުބޫރު މާއްދާއެއްކަމަށް، ޤައުމީ މަންހަޖުގައި ކަނޑައެޅުމާ ގުޅޭގޮތުން ހުށަހަޅުއްވާފައިވާ ޤަރާރު، ޤައުމީ ތަރައްޤީގެ ކޮމިޓީން ދިރާސާކުރައްވައި ނިންމެވި ގޮތުގެ ރިޕޯޓާއި ޤާނޫނު ނަންބަރު 2009/5 (އެއްގަމު ދަތުރުފަތުރުގެ ޤާނޫނު) އަށް އިޞްލާޙު ގެނައުމުގެ ބިލު، ޤައުމީ ތަރައްޤީގެ ކޮމިޓީން ދިރާސާކުރައްވައި ނިންމެވި ގޮތުގެ ރިޕޯޓް އަށް ބަހުސްކުރައްވައި 3 ވަނަ ކިޔުން ރައްޔިތުންގެ މަޖިލީހުގެ މިއަދުގެ ޖަލްސާގައި އިއްވަވައިފިއެވެ.
މިގޮތުން ޖުމްލަ 10 މެންބަރުން މިރިޕޯޓަށް މިއަދުގެ ޖަލްސާގައި ބަހުސް ކުރައްވާފައިވެއެވެ.
ދެން ރައްޔިތުންގެ މަޖިލީހުގެ ޖަލްސާއެއް އޮންނާނީ 3 ޑިސެމްބަރު 2013 ވާ އަންގާރަ ދުވަހު ހެނދުނު 09:00 ޖަހާއިރު ރައްޔިތުންގެ މަޖިލީސްކުރާ ގޭގައެވެ.
26 ނޮވެންބަރު 2013